't Idee veur Klein gelök oontstoont in 2020, toen veer mèt z'n alle midde in d'n ierste Coronagolf zaote. Umtot veer neet mie naor us vrun en femilie kóste goon, gónge veer hei thoes weer lekker awwerwèts kaarte en breve sjrieve. Um 't nog persoenleker te make, wouw iech Mestreechse kaarte sjikke, meh die kós iech neet vinde. Dus bedach iech miech tot iech die daan meh zelf mós goon make. Et voila, Klein gelök waor gebore! 

Iech kaom op de naom "Klein gelök" umtot iech 't sjikke en 't kriege vaan 'n keertsje altied 'n klein gelöksmomintsje vin. 't Deit good um iemand aanders blij te make mèt 'n persoenelek gesjreve beriechske en 't is netuurlek ouch hiel fein um zelf 'n keertsje te kriege! 

Dus leef lui, help miech mèt um get klein gelök in us sjoen Mestreech te verspreie en maak iemand aanders blij mèt 'n leef keertsje in zien eige moojerstaol!

Väöl leefs, Cindy